Sorvisc

NOS POR LE SVILUP DL COMUN DE BADIA

I resultac dl pröm workshop pó bel gní desćiariá dal padlet:

https://padlet.com/svilup/nos-por-le-svilup-dl-comun-de-badia-gwpt82vyh03srvm3

I resultac gnará tratá d’isté tla comisciun comunala y cun i tecnics y chësc gnará adoré desco basa por le secundo workshop de concretisaziun.

Döc i zitadis pó partezipé ince digitalmënter tres la platforma: https://beteiligung.blufink.com/

____________________________________

Le Plann de svilup comunal é na gran oportunité por che nosc Comun pois crësce tl dagní por le bëgn de düc!

Vigni zitadina y vigni zitadin conësc bun la realté da vignidé y é n’esperta y n espert dl post olach’ara/al vir y pó insciö daidé pro al svilup dl Comun.

Döta la documentaziun, les informaziuns atuales y i resultac é da abiné sön chësta plata:
https://padlet.com/svilup/nos-por-le-svilup-dl-comun-de-badia-gwpt82vyh03srvm3

Tol ince tö pert ales manifestaziuns interatives y porta para l’iniziativa!

I termins olá partezipé:

Otober: workshop jonil “Comun por les generaziuns che vëgn”

24 de novëmber: festa de conclujiun y presentaziun di resultac

Tratan düt l’prozes sarál poscibl partezipé ince sot forma digitala.

Ciodí pa le Plann de svilup comunal?

Cun le Plann de svilup comunal dl raiun y dla contrada arjigna vigni comun ca la basa por le svilup di proscims 10-20 agn.

Ara nen vá de nosta cualité de vita, dl abité, dl lauré y imparé, dl crësce y gní plü vedli, dles poscibilités da se möie, de mantigní y podëi vire la natöra y la contrada.

A ci moda la partezipaziun dla popolaziun?

I zitadins y les zitadines conësc bun so paisc y sü bojëgns y les realités de jogn y vedli, i bojëgns por ci che reverda la formaziun, le tëmp lëde, la mobilité, la sanité, le sozial y ciamó tröp d’ater lapró. Osc savëi é na bona basa por programé le dagní.

La partezipaziun dla jënt n’ó nia dí porté inant ci ch’an s’á tut dant por se instësc, mo al ó dí porté inant valch ciaran de döta la comunité. Zitadins y zitadines che se dá jö cun so comun, renforzëia diretamënter le svilup cun so impëgn personal y so sëns de responsabilité.

Cornisc tematica dl prozes de partezipaziun

I zitadins ti dá dant la direziun ai tecnics y ala junta comunala, de ci vers che i singui seturs dla vita comunala dess se svilupé. I tecnics y le consëi comunal verifichëia spo tan inant che les propostes vá da realisé y ares vëgn spo laurades ite ti planns tecnics, sciöche p.ej. l’analisa plü menüda dla contrada, le plann por la sconanza dai prighi, le plann cun i confins di raiuns d’insediamënt, le conzet dl svilup turistich, le conzet por la mobilité y les poscibilités da rové pormez y ciamó n valgügn d’atri lapró.

Le Comun de Badia oress se conzentré sön chëstes tematiches y tó sö i bojëgns di zitadins y dles zitadines cun deplü workshops:

Ci svilup nes dejidrunse pa por nosc Comun y nüsc paisc ti seturs: