IMI - CCI - Cuta Comunala sön i Imobii

Dal 2014 incá mëssel gní paié la cuta comunala sön i imobii IMI sön düc i imobii che é situá tla Provinzia...

data de publicaziun:

31/12/2022

tëmp de letöra

6 menüc

temesc
categories

Dal 2014 incá mëssel gní paié la cuta comunala sön i imobii IMI sön düc i imobii che é situá tla Provinzia Autonoma de Balsan, olach’al ne vëgn nia apliché les normes nazionales sön l’IMU y la TASI (aladô dla lege provinziala nr. 3/2014).

Chiló le regolamënt y la delibera cun chëra ch’al é gnü aprové les alicuotes por les categories desvalies de imobii, lapró ince na tabela de ressumé cun les sorts de imobii che vëgn conscidrades da calcolé l’IMI, les alicuotes, les detraziuns y olach’al vëgn dé dant canch’al é le dovëi de presenté zertificac o detlaraziuns sostitutives por ciafé les detraziuns o ince alisiraziuns preodüdes.

 

1. Sön ci mësson pa paié l’IMI?

L’IMI mëss gní paiada sön:

  • i frabicac y
  • les sperses de terac olach’al pó gní frabiché.

 

2. Sön ci perioda vëgnel pa calcolé l’IMI?

L’IMI mëss gní paiada do agn solars y en proporziun ala cuota de proprieté y ai mëisc ch’an á albü la proprieté. Sce la proprieté é stada de almanco 15 dis vëgnel calcolé döta la cuta.

 

3. Che mëss pa paié l’IMI?

  • i proprietars o chi che á dërc reai, sciöche le dërt de godimënt, de anuzamënt, d’abitaziun y de suraspersa;
  • l’om o la fomena a chëra ch’al ti é gnü assegné l’abitaziun ch’ai â denant deboriada, do n provedimënt iudiziar de separaziun legala, l’anulamënt, la soluziun o fin dles conseguënzes ziviles dl matrimone;
  • le genitur a chël ch’al ti é gnü assegné l’abitaziun do n provedimënt iudiziar de afidamënt dl möt o di mituns;
  • l’afitadin, por i imobii, ince chi ciamó da fá sö o che é tl laur de gní fac sö, ch’al á surantut en leasing;
  • le conzescionar, tl caje de na conzesciun de patrimone demanial;
  • Ausgedinge/dovëi de mantignimënt: chël/ra che trasferësc le lüch a d’atri y so/süa om/fomena mëss paié l’IMI por i locai olach’ai stá.

 

4. Anter can mëssel pa gní paié l’IMI?

La pröma rata mëss gní paiada anter i 16 de jügn, la secunda rata anter i 16 de dezëmber. Da paié ite mësson tó le mod. F24.

 

5. Ci él pa miné cun „l’abitaziun prinzipala y sües pertinënzes“?

Sciöche abitaziun prinzipala y ci che alda lapró vëgnel conscidré l’abitaziun olache le contribuënt y süa familia stá de regola y olach’ai á la residënza anagrafica. Sciöche pertinënzes pól gní conscidré alplü trëi unités imobiliares dles categories catastales C/2 (cianoes y sotletëc), C/6 (garage y posć da lascé l’auto) y C/7 (assostes); alplü döes pó ester dla medema categoria. Sön le valur catastal dl’abitaziun y sües pertinënzes vëgnel araté na cuta dl 0,4%. Sön la cuta che vëgn fora vëgnel apliché na detraziun (ciara tabela de ressumé). Ales families cun plü co 2 minorens ti vëgnel ince reconesciü na detraziun de 50 euro por vigni minoren dal terzo inant.

Por vigni porsona dla familia insciö metüda adöm che á n handicap grave aladô dl articul 3, coma 3 dla lege nr. 104/1992, vëgn la detraziun aumentada de 50 euro lapró. La familia mëss dé jö te Comun le zertificat dl dotur o dla comisciun de doturs competënta. La detraziun implü vëgn conzedüda dala data de presentaziun dla domanda de reconescimënt dl handicap grave ala comisciun di doturs.

Da mëte averda: sce na familia á deplü abitaziuns tl raiun provinzial, pó ma öna sora gní conscidrada sciöche pröma abitaziun.

 

6. Ci abitaziuns é pa parificades al’abitaziun prinzipala?

Les abitaziuns prinzipales y sües pertinënzes dles categories catastales C/2 (cianoes y sotletëc), C/6 (garage y posć da lascé l’auto) y C/7 (assostes), por n total de alplü trëi unités y de chëstes alplü döes dla medema categoria, de proprieté o sön chëres ch’al é n dërt de godimënt o da abité laite: sce les porsones atempades o andicapades che á un de chisc dërc mëss gní trasferides a tëmp indeterminé te na ciasa de palsa o te n ospedal, cun la condiziun che les abitaziuns ne vëgnes nia afitades a d’atri.

 

7. Ola poi pa ciafé deplü informaziuns sön l’IMI?

Deplü informaziuns importantes sön l’IMI é da ciafé:

  • tla tabela de ressumé,
  • tl regolamënt dl’IMI,
  • tla delibera sön les alicuotes y les detraziuns dl’IMI.

Chisc documënc é publicá chiló dessot.

Documentaziun:


Deliberaziun dla junta de comun nr. 23 di 31.01.2017: Nominaziun dl responsabl por la cuta comunala imobiliara (CCI)


Delibera dl Consëi de Comun nr. 44 di 20/10/2014 - aprovaziun dles alicuotes y detraziun por l'aplicaziun dla cuta sön i bëgns imobiliars IMI por l'ann 2014 y suzessifs

Delibera dl Consëi de Comun nr. 69 di 30/11/2015 - aprovaziun dles alicuotes y detraziun por l'aplicaziun dla cuta sön i bëgns imobiliars IMI por l'ann 2016 y suzessifs

Delibera dl Consëi de Comun nr. 4 di 31/01/2023 - Cuta comunala sön i bëgns imobiliars - IMI - determinaziun dles alicuotes y detraziuns por l'ann 2023 y agn dedô


Regolamënt revardënt la cuta comunala sön i bëgns imobiliars IMI - varënt incina ai 31.12.2022

Regolamënt revardënt la cuta comunala sön i bëgns imobiliars IMI - varënt dai 01.01.2023


IMI Comun de Badia - Tabela de ressümé (cina al 2015)

IMI Comun de Badia - Tabela de ressümé (2016)

IMI Comun de Badia - Tabela de ressümé (2017)

IMI Comun de Badia - Tabela de ressümé (2018)

IMI Comun de Badia - Tabela de ressümé (2019)

IMI Comun de Badia - Tabela de ressümé (2020)

IMI Comun de Badia - Tabela de ressümé (2021)

IMI Comun de Badia - Tabela de ressümé (2022)

IMI Comun de Badia - Tabela de ressümé (2023)


Detlaraziun IMI

DPP n. 2366 di 18.03.2015 - Detlaraziun IMI cun istruziuns

Vëiga inće rëi zivica de Südtirol

contat

d'atres informaziuns

atualisé l'ultim iade: 28/05/2024, 10:25