Dai 3 d'agost 2026 inant ne sará les chertes d'identité de papier nia plü varëntes, ince sce ares á na data de tomanza indicada do le 3 de agost.
Da chësta data inant ne pó le documënt de papier nia plü gní adoré tl teritore nazional y internazional.
Por garantí la continuité dl documënt de reconescimënt, é i zitadins che á ciamó la cherta d'identité de papier inviá da la baraté fora cun la Cherta d'identité eletronica (CIE), n documënt che respidlëia i standards de segurëza europeics y che vel por l'identificaziun personala y por jí fora ti Paisc dl'Uniun Europeica y ti Stac cun chi ch'al é convenziuns spezifiches.
Da baraté fora la cherta d'identité de papier cun la CIE pó gní damané te vigni momënt, ince dan la scadënza y le passé ala nöia cherta de identité ne vëgn nia araté n duplicat y ne comporta nia l'aplicaziun dopla di dërc de secretariat.
Na planificaziun adatada dla domanda porta pro a smendrí i tëmps d'aspeta y a evité dagns; Al é important da verifiché por tëmp la validité dl documënt de reconescimënt y, tl caje che an á la cherta d'identité sön papier, prenoté damperfora le dé, insciö da evité conzentraziuns de domandes al scomenciamënt dl isté.
Les dificoltés y les criticites vëgn dantadöt odüdes danter les prömes edemes da d'isté. Por deplü informaziuns sön les modalités ciara do ti canai istituzionai de referimënt o contatëia i ofizi de comun competënc.
An pó prenoté n apuntamënt por l'emisciun dla CIE tl Ofize Stat zivil.
